Na, ihr Pimmler..

Ich bin scho wieder eis Jahr älter als letscht Jahr um die Ziit.

Früehner chum chöne abwarte bis endlich wieder Geburtstag häsch, dass endlich mal wieder neui LEGO überchunsch.

..hüt gits kei LEGO meh für mich.

Nöd so tragisch.

Ich find Gschenk uf Geburtstäg eh chli überflüssig.

..und eigentlich au a Wiehnachte.

Isch ja etz nöd so, dass irgendöpper vo eus e bsunderi Leistig vollbracht het a dem Tag.

Villicht eusi Müettere, d Hebamme, de Arzt oder de Tankwart.

..kei Ahnig wo ihr uf d Welt cho sind.

Sowiit ich weiss, bin ich im Chinderspital z Züri, schön pünktlich uf de Zmorge itroffe.

..spannend hä?

Eifach da gsi plötzlich und han bewise, dass mini unwillkürlich gstürte Körperfunktione tüend was sie sötted.

..Natur hät sich duregsetzt. Yay!

Aber hey, fiired ihr eui Geburtstäg.

Voll ok.

Isch ja so Sitte.

Chan mer mache.

Ich für min Teil, mach Menschä lieber Gschenk oder schenk ihne mini Ufmerksamkeit dänn, wenn sichs grad richtig afühlt.

Mal ehrlich, isch doch dämlich, wenn ich im Januar öppis voll Tolls entdeck zum öpperem e Freud mache und dänn warte muess bis im Oktober zum das dänn schenkä..

..öppe nöd?

Ja, Geburtstäg.

Voll s spannende Thema.

..vergässemers.

Eigentlich han ich nur mal welä testä wie das achunt, wänn ich da mal uf Schwizerdütsch en Biitrag mache.

Ich weiss, das isch voll die dumm Idee, wänn 2/3 vo dine Leser us Dütschland chömed.

..händs wenigstens was zum lache.

Was denked ihr zu Biiträg uf Schwizerdütsch?

Werbeanzeigen